Hasil-e-gham Yahi Samajhte Hain
hasil-e-gham yahi samajhte hain
maut ko zindagi samajhte hain
jis ko tere alam se nisbat hai
hum usi ko KHushi samajhte hain
tum sitam mein kami na farmao
hum ise dushmani samajhte hain
hum charaghon mein chand taron ke
aap ki raushni samajhte hain
shaiKH ji hain farishton ke ustad
aap unhen aadmi samajhte hain
husn-e-mauzun ke zikr ko 'anwar'
maqsad-e-shairi samajhte hain
Anwar Sabri 
(872) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544