Na Honge Hum To Ye Rang-e-gulistan Kaun Dekhega
na honge hum to ye rang-e-gulistan kaun dekhega
bahaaron se hi taKHrib-e-bahaaran kaun dekhega
sar-e-mahshar jafaon ki shikayat bar-mahal lekin
phir in masum nazron ko pashiman kaun dekhega
baja hai lala o gul ki tabahi ka tasawwur bhi
magar ye manzar-e-mahshar-ba-daman kaun dekhega
mujhe taslim hai qaid-e-qafas se maut behtar hai
nasheman par hujum-e-barq-o-baran kaun dekhega
hasin tabir-e-mustaqbil sahi is ki magar 'anwar'
nae fitnon ka ab KHwab-e-pareshan kaun dekhega
Anwar Sabri 
(993) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544