Muddaton Se Koi Paigham Nahin Aata Hai
muddaton se koi paigham nahin aata hai
jazba-e-dil bhi mere kaam nahin aata hai
hae andaz-e-taghaful ki dam-e-zikr-e-wafa
yaad un ko bhi mera nam nahin aata hai
uf wo masum o haya-rez nigahen jin par
qatl ke baad bhi ilzam nahin aata hai
kaam kuchh meri tabahi ke siwa duniya mein
tujh ko ai gardish-e-ayyam nahin aata hai
mehrban dida-e-saqi ko usi par dekha
jis ko tarz-e-talab-e-jam nahin aata hai
ab hai ye aalam-e-mayus-e-mohabbat 'anwar'
un ke jalwon se bhi aaram nahin aata hai
Anwar Sabri 
(1107) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544