Sanson Mein Mil Gai Teri Sanson Ki Bas Thi
sanson mein mil gai teri sanson ki bas thi
bahki hui nazar thi ki phir bhi udas thi
be-shak shikast-e-dil pe wo mabhut rah gaya
lekin shikast-e-dil mein bhi zinda ek aas thi
gar tu mere hawas pe chhaya hua na tha
hasti wo kaun thi jo mere dil ke pas thi
barish se aasman ka chehra to dhul gaya
dharti ke honT par abhi sadiyon ki pyas thi
konpal ne aankh kholi to hairan rah gai
hadd-e-nazar talak ye zamin be-libas thi
honTon pe ek gulab tha taza khila hua
aankhon ke aainon mein tamanna udas thi
'anwar'-sadid sochta rahta hun in dinon
wo kaun tha ki jis ke liye dil mein pyas thi
Anwar Sadeed 
(1035) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544