Na Sah Sakunga Gham-e-zat Go Akela Main

na sah sakunga gham-e-zat go akela main

kahan tak aur kisi par karun bharosa main

hunar wo hai ki jiyun chand ban kar aankhon mein

rahun dilon mein qayamat ki tarah barpa main

wo rang rang ke chhinTe paDe ki is ke baad

kabhi na phir nae kapDe pahan ke nikla main

na sirf ye ki zamana hi mujh pe hansta hai

bana hua hun KHud apne liye tamasha main

mujhe sameTne aaya bhi tha koi jis waqt

dayar o dasht o daman mein bikhar raha tha main

ye kis tarah ki mohabbat thi kaisa rishta tha

ki hijr ne na rulaya use na taDpa main

paDa rahun na qafas mein to kya karun aaKHir

ki dekhta hun bahut dur tak dhundlaka main

bahut malul hun ai surat-ashna tujh se

ki tere samne kyun aa gaya sarapa main

yahi nahin ki tujhi ko na thi umid aisi

mujhe bhi ilm nahin tha ki ye karunga main

main KHak hi se bana tha tu kash yun banta

ki us ke hath se girte hi TuT jata main

(727) Peoples Rate This

Your Thoughts and Comments

Na Sah Sakunga Gham-e-zat Go Akela Main In English By Famous Poet Anwar Shuoor. Na Sah Sakunga Gham-e-zat Go Akela Main is written by Anwar Shuoor. Read famous Poem Na Sah Sakunga Gham-e-zat Go Akela Main for youth and Student by Anwar Shuoor. Free Download Na Sah Sakunga Gham-e-zat Go Akela Main in PDF.