Ubur Kar Na Sake Hum Haden Hi Aisi Thin
ubur kar na sake hum haden hi aisi thin
qadam qadam pe yahan mushkilen hi aisi thin
wo mujh se ruTh na jati to aur kya karti
meri KHataen meri laghzishen hi aisi thin
kahin dikhai diye ek dusre ko hum
to munh bigaD liye ranjishen hi aisi thin
bahut irada kiya koi kaam karne ka
magar amal na hua uljhanen hi aisi thin
buton ke samne apni zaban kiya khulti
KHuda muaf kare KHwahishen hi aisi thin
Anwar Shuoor 
(1007) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544