Hujum Shoala Mein Tha Halqa-e-sharar Mein Tha

hujum shoala mein tha halqa-e-sharar mein tha

kab apna KHwab mein koi saya-e-shajar main tha

main aaj phir tujhe kya dekh paunga duniya

wo shaKHs der talak aaj phir nazar mein tha

siyah fazaon mein unchi uDan se pahle

kiran kiran ka ujala sa baal o par mein tha

KHunuk fazaon mein us dasht-e-gham ke aane tak

hamare sath koi aur bhi safar mein tha

sharar sharar the jo lamhe hasin lagte the

jo lutf tha bhi to kuchh qurb-e-muKHtasar mein tha

bikhar ke TuT gae hum bikharti duniya mein

KHud-afrini ka sauda hamare sar mein tha

(704) Peoples Rate This

Your Thoughts and Comments

Hujum Shoala Mein Tha Halqa-e-sharar Mein Tha In English By Famous Poet Anwar Siddiqui. Hujum Shoala Mein Tha Halqa-e-sharar Mein Tha is written by Anwar Siddiqui. Read famous Poem Hujum Shoala Mein Tha Halqa-e-sharar Mein Tha for youth and Student by Anwar Siddiqui. Free Download Hujum Shoala Mein Tha Halqa-e-sharar Mein Tha in PDF.