Bhulne Wale Tujhe Yaad Kiya Hai Barson
bhulne wale tujhe yaad kiya hai barson
dil-e-viran ko yun aabaad kiya hai barson
sath jo de na saka rah-e-wafa mein apna
be-irada bhi use yaad kiya hai barson
gham jahan mein wo rafiq-e-abadi hai apna
jis ne har haal mein dil shad kiya hai barson
bhul sakta hun bhala gardish-e-dauran tujh ko
rose tu ne sitam ijad kiya hai barson
kab giraftar-e-KHam-e-gham-e-hijran na raha
kab tere dard ne aazar kiya hai barson
ab bhi 'anwar' pashemani-e-KHatir ho na kyun
umr-e-rafta tujhe barbaad kiya hai barson
Anwarul Hasan Anwar 
(700) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544