Husn Har Rang Mein MaKHsus Kashish Rakhta Hai
husn har rang mein maKHsus kashish rakhta hai
wo tabassum ki ada ho ki sitam-koshi ho
zindagi kaif-e-musalsal mein guzar jati hai
chashm-e-maKHmur ki masti ho ki mai-noshi ho
tere aane ki masarrat se sahar ho raushan
aur raaton ki tere gham mein siyah-poshi ho
jazbiyyat to ba-har-haal hua karti hai
husn ki bu-qalamuni ho ki KHush-poshi ho
koi aalam ho najat-e-gham-e-dauran ke liye
maut ho nind ho be-hoshi ho
shukr 'anwar' jafaon pe na kyunkar kijiye
kyunki shikwa ho to ehsan-framoshi ho
Anwarul Hasan Anwar 
(736) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544