Ehsas-e-ziyan Hum Mein Se Akasr Mein Nahin Tha

ehsas-e-ziyan hum mein se akasr mein nahin tha

is dukh ka mudawa kisi patthar mein nahin tha

wo shaKHs to shab-KHun mein mara gaya warna

us jaisa bahadur koi lashkar mein nahin tha

ab KHak hua hun to ye ahwal khula hai

shoale ke siwa kuchh mere paikar mein nahin tha

ye waqia mera tha ki tha saneha mera

main apne hi ghar mein tha magar ghar mein nahin tha

har ishq ke manzar mein tha ek hijr ka manzar

ek wasl ka manzar kisi manzar mein nahin tha