Ehsas-e-ziyan Hum Mein Se Akasr Mein Nahin Tha
ehsas-e-ziyan hum mein se akasr mein nahin tha
is dukh ka mudawa kisi patthar mein nahin tha
wo shaKHs to shab-KHun mein mara gaya warna
us jaisa bahadur koi lashkar mein nahin tha
ab KHak hua hun to ye ahwal khula hai
shoale ke siwa kuchh mere paikar mein nahin tha
ye waqia mera tha ki tha saneha mera
main apne hi ghar mein tha magar ghar mein nahin tha
har ishq ke manzar mein tha ek hijr ka manzar
ek wasl ka manzar kisi manzar mein nahin tha
Aqeel Abbas Jafri 
(737) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544