Zist Karna Dar-e-idrak Se Bahar Hai Abhi
zist karna dar-e-idrak se bahar hai abhi
ye sitara mere aflak se bahar hai abhi
DhunDte hain usi nashshe ko sabhi baada-gusar
ek nashsha jo rag-e-tak se bahar hai abhi
ek hi lamhe mein tasKHir karegi use aankh
par wo lamha mere aflak se bahar hai abhi
kuchh mere chaak-e-gareban ko KHabar ho shayad
ek gardish jo mere chaak se bahar hai abhi
bas wahi ashk mera hasil-e-girya hai 'aqil'
jo mere dida-e-namnak se bahar hai abhi
Aqeel Abbas Jafri 
(709) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544