Hawas Ka Rang ChaDha Us Pe Aur Utar Bhi Gaya
hawas ka rang chaDha us pe aur utar bhi gaya
wo KHud hi jama hua aur KHud bikhar bhi gaya
thi zindagi meri rahon ke pech-o-KHam ki asir
magar main raat ke hamrah apne ghar bhi gaya
main dushmanon mein bhi ghir kar niDar raha lekin
KHud apne jazba-e-haiwaniyat se Dar bhi gaya
mere lahu ki talab ne mujhe tabah kiya
hawas mein sang ki hathon se mere sar bhi gaya
hai lafz-o-mani ka rishta zawal-amada
KHayal paida hua bhi na tha ki mar bhi gaya
sila ye manzil-e-maqsud ka mila 'shadab'
safar tamam hua aur ham-safar bhi gaya
Aqeel Shadab 
(707) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544