Dil Kya Kisi Ki Baat Se Andar Se KaT Gaya

dil kya kisi ki baat se andar se kaT gaya

titli ka rabta kyun gul-e-tar se kaT gaya

do-chaar gam ka hi safar rah gaya tha bas

is waqt mera qafila rahbar se kaT gaya

mausam ke sard-o-garm ka jal par asar na tha

wo sang-dil bhi sher-e-suKHnawar se kaT gaya

saf mein muKHalifon ki main samjha tha ghair hain

dekha jo apne logon ko andar se kaT gaya

KHairaat KHub karta hai jab log sath hon

tanha hai wo abhi to gadagar se kaT gaya

jab tak uruj tha to zamane mein dhum thi

jun hi zawal aaya wo manzar se kaT gaya

(644) Peoples Rate This

Your Thoughts and Comments

Dil Kya Kisi Ki Baat Se Andar Se KaT Gaya In English By Famous Poet Arif Ansari. Dil Kya Kisi Ki Baat Se Andar Se KaT Gaya is written by Arif Ansari. Read famous Poem Dil Kya Kisi Ki Baat Se Andar Se KaT Gaya for youth and Student by Arif Ansari. Free Download Dil Kya Kisi Ki Baat Se Andar Se KaT Gaya in PDF.