Ek Be-nishan Harf-e-sada Ki Taraf Na Dekh
ek be-nishan harf-e-sada ki taraf na dekh
wo dur ja chuka hai hawa ki taraf na dekh
aabaad kar le dida-o-dil mein sanam-kade
kahta hai wo ki ek KHuda ki taraf na dekh
apni hi aafiyat ki tag-o-dau mein mahw rah
is sar-zamin-e-ah-o-buka ki taraf na dekh
apne ufuq ki tang faza se hi kaam rakh
maidan-e-hashr dasht-e-bala ki taraf na dekh
kar le na apne shahr-e-tilismat ka asir
us ki nigah-e-hosh-ruba ki taraf na dekh
rakh KHak-e-dil pe apne qadam ehtiyat se
mauj-e-hawa-e-samt-numa ki taraf na dekh
Arman Najmi 
(1057) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544