Main Likh Kar Ho Sakunga SurKH-ru Kya
main likh kar ho sakunga surKH-ru kya
qalam kya aur qalam ki aabru kya
na socha kaTne wale ne itna
hari Dali ki thi kuchh aarzu kya
zara jage to hum sina-sipar hon
ana ko jo sula de wo lahu kya
zamin ko aab-o-dana de ke dekho
khila deti hai gulzar-e-numu kya
adu ko zer kar lo faslon se
laDai ab hai lazim du-ba-du kya
Arman Najmi 
(715) Peoples Rate This