Mohabbat Soz Bhi Hai Saz Bhi Hai

mohabbat soz bhi hai saz bhi hai

KHamoshi bhi hai ye aawaz bhi hai

nasheman ke liye betab tair

wahan pabandi-e-parwaz bhi hai

KHamoshi par bharosa karne wale

KHamoshi dard ki ghammaz bhi hai

hai mearaj-e-KHirad bhi arsh-e-azam

junun ka farsh pa-andaz bhi hai

dil-e-begana KHud duniya mein tera

koi hamdam koi hamraaz bhi hai

kabhi muhtaj lai ka bhi nahin ye

kabhi naghma rahin-e-saz bhi hai

kabhi to dil hai mahw-e-be-niyazi

kabhi tauf-e-harim-e-naz bhi hai

tarana-ha-e-saz-e-zindagi mein

ek aawaz-e-shikast-e-saz bhi hai

(847) Peoples Rate This

Your Thoughts and Comments

Mohabbat Soz Bhi Hai Saz Bhi Hai In English By Famous Poet Arsh Malsiyani. Mohabbat Soz Bhi Hai Saz Bhi Hai is written by Arsh Malsiyani. Read famous Poem Mohabbat Soz Bhi Hai Saz Bhi Hai for youth and Student by Arsh Malsiyani. Free Download Mohabbat Soz Bhi Hai Saz Bhi Hai in PDF.