Hangama-ha-e-baada-o-paimana Dekh Kar
hangama-ha-e-baada-o-paimana dekh kar
hum ruk gae hain rah mein mai-KHana dekh kar
ba-ehtiram saghar-o-mina baDha diye
saqi ne meri jurat-e-rindana dekh kar
phir yaad aa gai hai teri chashm-e-mai-farosh
mahfil mein raqs-e-baada-o-paimana dekh kar
hairan hun un ke dida-e-hairan ko kya kahun
diwane ho gae mujhe diwana dekh kar
tauba ka ehtiram bhi lazim raha magar
niyyat badal gai meri paimana dekh kar
har aastan se garche rahe be-niyaz hum
sajde mein gir gae dar-e-mai-KHana dekh kar
Arsh Sahbai 
(698) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544