Masti-e-baada-e-gulfam Se Wabasta Rahi
masti-e-baada-e-gulfam se wabasta rahi
zindagi raqs-e-mai-o-jam se wabasta rahi
log kahte hain ki kuchh us mein mera zikr bhi tha
wo hikayat jo tere nam se wabasta rahi
dil jo ghabraya to mai-KHane mein hum ja baiThe
har KHalish baada-e-gulfam se wabasta rahi
us ki majburi-e-paiham pe zara ghaur karen
jo tamanna dil-e-nakaam se wabasta rahi
'arsh' muddat hui go tark-e-mai-o-jam kiye
phir bhi tohmat ye mere nam se wabasta rahi
Arsh Sahbai 
(720) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544