Ek Teri Be-ruKHi Se Zamana KHafa Hua

ek teri be-ruKHi se zamana KHafa hua

ai sang-dil tujhe bhi KHabar hai ki kya hua

daryuza-gar samajh ke to thi multafit hayat

wo yun kaho ki daman-e-dil hi na wa hua

Duba kuchh is tarah se mera aaftab-e-dil

sab kuchh hua ye phir na sahar-ashna hua

yun us ke dar pe baiThe hain jaise yahin ke hon

hae ye dard-e-ishq jo zanjir-e-pa hua

chhini hai ishq ne tab-o-tab-e-dimagh-o-dil

main kaise shah-zor se zor-azma hua

ghar se chalo to bandh ke sar se kafan chalo

shahr-e-wafa se dasht-e-fana hai mila hua

dil de ke KHush hun main ki hifazat ka gham gaya

tujh se qarib hai wo jo mujh se juda hua

lab se laga to bhul gae hum gham-e-hayat

saghar mein koi tujh sa hasin hai chhupa hua

pi hum ne KHub 'arsh' kashid-e-nigah-o-dil

kis mai-kade ka dar tha jo hum par na wa hua

(463) Peoples Rate This

Your Thoughts and Comments

Ek Teri Be-ruKHi Se Zamana KHafa Hua In English By Famous Poet Arsh Siddiqui. Ek Teri Be-ruKHi Se Zamana KHafa Hua is written by Arsh Siddiqui. Read famous Poem Ek Teri Be-ruKHi Se Zamana KHafa Hua for youth and Student by Arsh Siddiqui. Free Download Ek Teri Be-ruKHi Se Zamana KHafa Hua in PDF.