Gham Ki Garmi Se Dil Pighalte Rahe

gham ki garmi se dil pighalte rahe

tajrabe aansuon mein Dhalte rahe

ek lamhe ko tum mile the magar

umr bhar dil ko hum masalte rahe

subh ke Dar se aankh lag na saki

raat bhar karwaTen badalte rahe

zahr tha zindagi ke kuze mein

jaante the magar nigalte rahe

dil raha sarKHushi se begana

garche arman bahut nikalte rahe

apna azm-e-safar na tha apna

hukm milta raha to chalte rahe

zindagi sarKHushi junun wahshat

maut ke nam kyun badalte rahe

ho gae jin pe karwan pamal

sab unhi raston pe chalte rahe

dil hi gar bais-e-halakat tha

ruKH hawaon ke kyun badalte rahe

ho gae KHamushi se hum ruKHsat

sare ahbab hath malte rahe

har KHushi 'arsh' wajh-e-dard bani

farsh-e-shabnam pe panw jalte rahe

(1017) Peoples Rate This

Your Thoughts and Comments

Gham Ki Garmi Se Dil Pighalte Rahe In English By Famous Poet Arsh Siddiqui. Gham Ki Garmi Se Dil Pighalte Rahe is written by Arsh Siddiqui. Read famous Poem Gham Ki Garmi Se Dil Pighalte Rahe for youth and Student by Arsh Siddiqui. Free Download Gham Ki Garmi Se Dil Pighalte Rahe in PDF.