Mile Jo Us Se To Yaadon Ke Par Nikal Aae
mile jo us se to yaadon ke par nikal aae
is ek maqam pe kitne safar nikal aae
ujaD dasht mein bas jae meri virani
ajab nahin ki yahin koi ghar nikal aae
bas ek lamhe ko chamki thi us ki tegh-e-nazar
KHala-e-waqt mein qarnon ke sar nikal aae
machan bandhne wale nishana chuk gae
ki KHud machan ki jaanib se Dar nikal aae
shahid-e-ku-e-mohabbat hain kanp jate hain
nadim KHair se koi agar nikal aae
daraKHt-e-sabr-burida sahi pe jaante hain
hua hai ye bhi ki us par samar nikal aae
adu ke hath bhi tegh o tabar se KHali hain
ajib kya hai jo hum be-sipar nikal aae
gham-e-jahan o gham-e-yar do kinare hain
udhar jo Dube wo aksar idhar nikal aae
yahan to ahl-e-hunar ke bhi panw jalte hain
ye rah-e-sher hai 'arshad' kidhar nikal aae
Arshad Abdul Hamid 
(812) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544