Mujhko Taqdir Ne Yun Be-sar-o-asar Kiya
mujh ko taqdir ne yun be-sar-o-asar kiya
ek darwaza dua ka tha so diwar kiya
KHwab-e-ainda tere lams ne sarshaar kiya
KHushk baadal the hamein tu ne guhar-bar kiya
dekhne ki thi nigahon mein ana ki surat
us giraftar ne jab mujh ko giraftar kiya
muddaton ghaw kiye jis ke badan par hum ne
waqt aaya to usi KHwab ko talwar kiya
meri chahat ne ajab rang dikhaya mujh ko
kashmakash se meri aankhon ko giran-bar kiya
ek masiha ko mera chashm-numa Thahraya
ek qatil ko mera aaina-bardar kiya
kaT kar phenk di sansar ki kuchen hum ne
sabr ko phul kiya phul ko talwar kiya
Arshad Abdul Hamid 
(837) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544