Ada Se Dekh Lo Jata Rahe Gila Dil Ka

ada se dekh lo jata rahe gila dil ka

bas ek nigah pe Thahra hai faisla dil ka

sitam wo tum ne kiye bhule hum gila dil ka

hua tumhaare bigaDne se faisla dil ka

bahaar aate hi kunj-e-qafas nasib hua

hazar haif ki nikla na jo sila dil ka

jo ye nishana uDa do to samjhen tir-fagan

bahut hai nawak-e-mizhgan se fasla dil ka

ilahi KHair ho kuchh aaj rang be-Dhab hai

Tapak raha hai kai din se aabla dil ka

chala hai chhoD ke tanha kidhar tasawwur-e-yar

shab-e-firaq mein tha tujh se mashghala dil ka

wo rind hun ki mujhe hathkaDi se baiat hai

bala hai gesu-e-jaanan se silsila dil ka

phira jo kucha-e-kakul se koi puchhenge

suna hai luT gaya raste mein qafila dil ka

ummid-e-subh mein karta hun chaak daman-e-shab

junun mein rose nikala hai mashghala dil ka

wo zulm karte hain hum par to log kahte hain

KHuda bure se na Dale moamla dil ka

hazar fasl-e-gul aae junun wo josh kahan

gaya shabab ke hamrah walwala dil ka

KHuda ke hath hai apna ab ai 'qalaq' insaf

buton se hashr mein hoga muqabla dil ka

(689) Peoples Rate This

Your Thoughts and Comments

Ada Se Dekh Lo Jata Rahe Gila Dil Ka In English By Famous Poet Arshad Ali Khan Qalaq. Ada Se Dekh Lo Jata Rahe Gila Dil Ka is written by Arshad Ali Khan Qalaq. Read famous Poem Ada Se Dekh Lo Jata Rahe Gila Dil Ka for youth and Student by Arshad Ali Khan Qalaq. Free Download Ada Se Dekh Lo Jata Rahe Gila Dil Ka in PDF.