Kuchh Darja Aur Garmi-e-bazar Ho Buland
kuchh darja aur garmi-e-bazar ho buland
dil bechiye ki zauq-e-KHaridar ho buland
bab-e-qubul band hai dast-e-talab par ab
rab chahta hai pa-e-talabgar ho buland
jhuk jaega subu bhi koi jam to uThae
dana hai muntazir koi minqar ho buland
dekhi thi jis ne pyas wo pani to bah chuka
imkan nahin ki parcham-e-inkar ho buland
naKHun bheDiyon ke to baDhte hi jate hain
koi kaman uThe koi talwar ho buland
mujh ko ba-qadr-e-tesha nahin sang-e-rahguzar
'arshad' mere liye koi kohsar ho buland
Arshad Jamal Hashmi 
(686) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544