Kahan Kahan Se Sunaun Tumhein Fasana-e-shab
kahan kahan se sunaun tumhein fasana-e-shab
tawil guzra hai mujh par bahut zamana-e-shab
mahak raha hai hamin se harim-e-gulshan-e-roz
hamin se nur-faza hai nigar-KHana-e-shab
hua hai hukm ye min-jaanib-e-shah-e-zulmat
hudud-e-shahr-e-siyah chhoD de diwan-e-shab
KHamosh hote hain din ke tamam-tar sikke
khanakta rahta hai kashkol-e-dil mein aana-e-shab
har ek shaKH pe viraniyan musallat hain
badan-daraKHt bhi goya hai aashiyan-e-shab
tamam yaaden to aa baiThti hain sham-Dhale
udas rahta hai phir kis liye sirhana-e-shab
umid KHak rakhi jae ab ujalon ki
charagh aundhe paDe hain ba-astana-e-shab
halal rizq mayassar ho kya unhen 'sarim'
ki jin parindon ko chugna hai sirf dana-e-shab
Arshad Jamal 'Sarim' 
(801) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544