Mohabbat Sirf Ek Jazba Nahin Hai
mohabbat sirf ek jazba nahin hai
nazar aata hai jo waisa nahin hai
sabhi tabir us ki likh rahe hain
kisi ne bhi use dekha nahin hai
kisi khai mein wo bhi ja gira hai
jo teri rah se guzra nahin hai
na kar sine ke aatish-dan ThanDe
bujha dil phir kabhi jalta nahin hai
chalo bahar se ho kar lauT aaen
kai din se koi aaya nahin hai
nazar mahtab se Takra gai hai
to kya aage koi rasta nahin hai
KHala ka masala hi muKHtalif hai
samundar is qadar gahra nahin hai
qayamat aa rahi hai ja rahi hai
magar ye aasman TuTa nahin hai
Arshad Lateef 
(949) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544