Surur-e-ishq Ne Ulfat Se Bandh Rakkha Hai
surur-e-ishq ne ulfat se bandh rakkha hai
teri gharaz ne mohabbat se bandh rakkha hai
ajab kashish hai tere hone ya na hone mein
guman ne mujh ko haqiqat se bandh rakkha hai
kabhi kabhi to mujhe TuTta dikhai de
jo ek ahd qayamat se bandh rakkha hai
shah-e-jamal tere shahr ke faqiron ko
kamal-e-hijr ne wahshat se bandh rakkha hai
bhaTak raha hun main ghaar-e-tilism ke andar
ki ilm tu ne jahaalat se bandh rakkha hai
Arshad Lateef 
(822) Peoples Rate This