Hum Junun Pesha Ki Rahte The Teri Zat Mein Gum
hum junun pesha ki rahte the teri zat mein gum
ho gae silsila-e-gardish-e-haalat mein gum
arsa-e-wasl mein bhi harf-e-tamanna na khula
husn-e-ilham raha parda-e-ayat mein gum
aql angusht-ba-dandan hai nazar hairan hai
kaun si chiz hui arz-o-samawat mein gum
kitne kanan hue KHwab-e-zuleKHa mein asir
kitne yaqub rahe hijr ke sadmat mein gum
koi mail-ba-samaat na hua sad afsos!
naghma-e-dard raha sina-e-jazbaat mein gum
main tere shahr se guzra hun bagule ki tarah
apni duniya mein magan apne KHayalat mein gum
Arshad Mahmood Nashad 
(655) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544