Main KHak Chhanta Hun Aaftab Dekhta Hun
main KHak chhanta hun aaftab dekhta hun
harim-e-dasht mein KHushbu ke KHwab dekhta hun
hisar-e-ghair mein rahta hai ye makan-e-wajud
main KHalwaton mein bhi akasr azab dekhta hun
ye kya ki ahd-e-bahaaran mein har shajar be-barg
ye kya ki fasl-e-KHizan mein gulab dekhta hun
mere KHayal mein khilne lage hain zaKHm-e-firaq
tumhaare lutf-o-karam ka hisab dekhta hun
waraq waraq pe tere KHal-o-KHad hain aks-fagan
hujum-e-yas mein dil ki kitab dekhta hun
ye be-sabab to nahin gard-e-rahguzar 'nashad'
talash-e-ab-e-rawan mein sarab dekhta hun
Arshad Mahmood Nashad 
(790) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544