Jo Bujh Gae The Charagh Phir Se Jala Raha Hai
jo bujh gae the charagh phir se jala raha hai
ye kaun dil ke kiwaD phir khaTkhaTa raha hai
muhib qahtur-rijal mein bhi KHayal tera
nae manazir nae shagufe khila raha hai
wo git jis mein teri kahani simaT gai thi
use nai tarz mein koi gunguna raha hai
main wusaton se bichhaD ke tanha na ji sakunga
mujhe na roko mujhe samundar bula raha hai
wo jis ke dam se main us ki yaadon se munsalik hun
use ye kahna wo ghao bhi bharta ja raha hai
Arshad Nayeem 
(636) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544