Ganw Ki Aankh Se Basti Ki Nazar Se Dekha
ganw ki aankh se basti ki nazar se dekha
ek hi rang hai duniya ko jidhar se dekha
hum se ai husn ada kab tera haq ho paya
aankh bhar tujh ko buzurgon ke na Dar se dekha
apni banhon ki tarah mujh ko lagin sab shaKHen
chand uljha hua jis raat shajar se dekha
hum kisi jang mein shamil na hue bas hum ne
har tamashe ko faqat rahguzar se dekha
har chamakte hue manzar se rahe hum naraaz
sare chehron ko sada dida-e-tar se dekha
phul se bachchon ke shanon pe the bhaari baste
hum ne school ko dushman ki nazar se dekha
Asad Badayuni 
(1268) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544