Mere Log KHema-e-sabr Mein Mere Shahr Gard-e-malal Mein
mere log KHema-e-sabr mein mere shahr gard-e-malal mein
abhi kitna waqt hai ai KHuda in udasiyon ke zawal mein
kabhi mauj-e-KHwab mein kho gaya kabhi thak ke ret pe so gaya
yunhi umr sari guzar di faqat aarzu-e-visal mein
kahin gardishon ke bhanwar mein hun kisi chaak par main chaDha hua
kahin meri KHak jami hui kisi dasht-e-barf-misal mein
ye hawa-e-gham ye faza-e-nam mujhe KHauf hai ki na Dal de
koi parda meri nigah par koi raKHna tere jamal mein
Asad Badayuni 
(808) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544