Do-jahan Se Mawara Ho Jaega

do-jahan se mawara ho jaega

jo tere gham mein fana ho jaega

dard jab dil se juda ho jaega

saz-e-hasti be-sada ho jaega

dekhiye ahd-e-wafa achchha nahin

marna jina sath ka ho jaega

be-natija hai KHayal-e-tark-e-rah

phir kisi din samna ho jaega

ab Thahar ja yaad-e-jaanan ro to lun

farz-e-tanhai ada ho jaega

lahza lahza rakh KHayal-e-husn-e-dost

lamha lamha kaam ka ho jaega

zauq-e-azm-e-ba-amal darkar hai

aag mein bhi rasta ho jaega

apni jaanib jab nazar uTh jaegi

zarra zarra aaina ho jaega

(666) Peoples Rate This

Your Thoughts and Comments

Do-jahan Se Mawara Ho Jaega In English By Famous Poet Asad Bhopali. Do-jahan Se Mawara Ho Jaega is written by Asad Bhopali. Read famous Poem Do-jahan Se Mawara Ho Jaega for youth and Student by Asad Bhopali. Free Download Do-jahan Se Mawara Ho Jaega in PDF.