Giran Guzarne Laga Daur-e-intizar Mujhe
giran guzarne laga daur-e-intizar mujhe
zara thapak ke sula de KHayal-e-yar mujhe
na aaya gham bhi mohabbat mein sazgar mujhe
wo KHud taDap gae dekha jo be-qarar mujhe
nigah-e-sharmagin chupke se le uDi mujh ko
pukarta hi raha koi bar bar mujhe
nigah-e-mast ye meyar-e-be-KHudi kya hai
zamane wale samajhte hain hoshiyar mujhe
baja hai tark-e-talluq ka mashwara lekin
na iKHtiyar unhen hai na iKHtiyar mujhe
bahaar aur ba-qaid-e-KHizan hai nang mujhe
agar mile to mile mustaqil bahaar mujhe
Asad Bhopali 
(1006) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544