Pas-e-adab Mein Josh-e-tamanna Liye Hue
pas-e-adab mein josh-e-tamanna liye hue
main bhi hun ek hubab mein dariya liye hue
rag rag mein aur kuchh na raha juz KHayal-e-dost
us shoKH ko hun aaj sarapa liye hue
sarmaya-e-hayat hai hirman-e-ashiqi
hai sath ek surat-e-zeba liye hue
josh-e-junun mein chhuT gaya aastan-e-yar
rote hain munh mein daman-e-sahra liye hue
'asghar' hujum-e-dard-e-gharibi mein us ki yaad
aai hai ek tilismi tamanna liye hue
Asghar Gondvi 
(722) Peoples Rate This