Sirf Ek Soz To Mujh Mein Hai Magar Saz Nahin
sirf ek soz to mujh mein hai magar saz nahin
main faqat dard hun jis mein koi aawaz nahin
mujh se jo chahiye wo dars-e-basirat lije
main KHud aawaz hun meri koi aawaz nahin
wo maze rabt-e-nihani ke kahan se laun
hai nazar mujh pe magar ab ghalat-andaz nahin
phir ye sab shorish-o-hangama-e-alam kya hai
isi parde mein agar husn-e-junnun-saz nahin
aatish-e-jalwa-e-mahbub ne sab phunk diya
ab koi parda nahin parda-bar-andaz nahin
Asghar Gondvi 
(772) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544