Ye Kya Kaha Ki Gham-e-ishq Nagawar Hua

ye kya kaha ki gham-e-ishq nagawar hua

mujhe tu jura-e-talKH aur sazgar hua

sarishk-e-shauq ka wo ek qatra-e-nachiz

uchhaalna tha ki ek bahar-e-be-kanar hua

ada-e-ishq ki taswir khinch gai puri

wufur-e-josh se yun husn be-qarar hua

bahut latif ishaare the chashm-e-saqi ke

na main hua kabhi be-KHud na hushyar hua

liye phiri nigah-e-shauq sare aalam mein

bahut hi jalwa-e-husn aaj be-qarar hua

jahan bhi meri nigahon se ho chala madum

are baDa ghazab ai chashm sehr-kar hua

meri nigahon ne jhuk jhuk ke kar diye sajde

jahan jahan se taqaza-e-husn-e-yar hua

(822) Peoples Rate This

Your Thoughts and Comments

Ye Kya Kaha Ki Gham-e-ishq Nagawar Hua In English By Famous Poet Asghar Gondvi. Ye Kya Kaha Ki Gham-e-ishq Nagawar Hua is written by Asghar Gondvi. Read famous Poem Ye Kya Kaha Ki Gham-e-ishq Nagawar Hua for youth and Student by Asghar Gondvi. Free Download Ye Kya Kaha Ki Gham-e-ishq Nagawar Hua in PDF.