Bachpan Tamam BuDhe Sawalon Mein KaT Gaya
bachpan tamam buDhe sawalon mein kaT gaya
school ki kitabon se ab ji uchaT gaya
likkhe hue the sare farishton ke jis pe nam
shayad wahi waraq kisi bachche se phaT gaya
taza hawa ki aas mein parde uTha diye
bas ye hua ki gard mein saman aT gaya
kal carnas pe dekh ke chiDiyon ka khelna
be-wajh zehn us ke KHayalon mein baT gaya
ek bachcha us khuli hui khiDki mein jhank kar
sharma ke ghar jo bhaga to man se lipaT gaya
kya kahta aur chaaragaron se wo be-zaban
zaKHmi parinda apne paron mein simaT gaya
sahra duhai deta raha apni pyas ki
baadal baras ke KHushk chaTanon pe chhaT gaya
Asghar Mehdi Hosh 
(926) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544