Ye To Sach Hai Ki TuTe PhuTe Hain
ye to sach hai ki TuTe phuTe hain
mere bachpan ke ye khilaune hain
tapte sahra mein tez barish ke
main ne kitne hi KHwab dekhe hain
kaun kis ki barahnagi pe hanse
sab hi zer-e-libas nange hain
wo kabutar the kitne garm-o-gudaz
ab bhi hathon mein lams chipke hain
in ke pani se kya bujhegi pyas
ye ghaDe to bahut hi kachche hain
zehn ka ek waraq bhi sada nahin
jaane kya kya sawal likkhe hain
paD rahe hain furaat par pahre
mere hathon mein KHali kuze hain
Asghar Mehdi Hosh 
(1055) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544