Sochte Hain Ki Bulbula Ho Jaen
sochte hain ki bulbula ho jaen
chand lamhe jien fana ho jaen
dosti apni der-pa kar len
aao kuchh din ko hum juda ho jaen
sath tu hai to manzilen apni
warna bhaTken to lapata ho jaen
hum ki ulfat mein jaan tak de den
aur bichhDen to saneha ho jaen
rafta rafta tujhe tarashen hum
dhire dhire teri qaba ho jaen
yaad rakhna bhi ek ibaadat hai
kyun na hum un ka hafiza ho jaen
Ashhad Bilal Ibn-e-chaman 
(729) Peoples Rate This