Kashmakash Mein Hain Teri Zulfon Ke Zindani Hanuz
kashmakash mein hain teri zulfon ke zindani hanuz
tirgi paiham hai KHam-dar-KHam pareshani hanuz
rakhte hain hum maqsad-e-tamir-e-nau pesh-e-nazar
garche hain min-jumla-e-asbab-e-virani hanuz
sath-e-dariya par sukun sa hai magar ai sath-biin
qar-o-dariya mein wahi maujen hain tufani hanuz
ab junun mein bhi nahin aata hai sahra ka KHayal
shahr-e-hikmat mein hai wahshat-KHez virani hanuz
pursish-e-ahl-e-qalam ho ya na ho hoti to hai
sang-e-marmar ke mazaron par gul-afshani hanuz
hum ne rakh di qalib-e-ashaar mein chiz-e-digar
tum nahin kar pae takmil-e-zaban-dani hanuz
'ashk' usul-e-kasb-e-zar se tu nahin hai aashna
tishna-e-takmil hai teri hama-dani hanuz
Ashk Amritsari 
(979) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544