Ye Kashti-e-hayat Ye Tufan-e-hadsat

ye kashti-e-hayat ye tufan-e-hadsat

mujh ko to kuchh KHabar na rahi aar-par ki

hai gardish-e-zamana mein do-rangi-e-hayat

ummid ki sahar hai to shab intizar ki

ye dair ye haram ye kalisa ye somnat

tarif kya ho qudrat parwardigar ki

hai kaun jo uTha sake bar-e-gham-e-hayat

hum ne bhi gar qaba-e-KHirad tar tar ki

allah re tasadum-e-haalat-o-hadsat

ki iKHtiyar sang ne surat sharar ki

zarron ki aab-o-tab se taron ne khai mat

ye KHubiyan hain KHak tere inkisar ki

ai 'ashk' zindagi mein na puchhi kisi ne baat

ab KHak chumte hain hamare mazar ki

(1112) Peoples Rate This

Your Thoughts and Comments

Ye Kashti-e-hayat Ye Tufan-e-hadsat In English By Famous Poet Ashk Amritsari. Ye Kashti-e-hayat Ye Tufan-e-hadsat is written by Ashk Amritsari. Read famous Poem Ye Kashti-e-hayat Ye Tufan-e-hadsat for youth and Student by Ashk Amritsari. Free Download Ye Kashti-e-hayat Ye Tufan-e-hadsat in PDF.