Aaine Mein KHam Aaya
dafatan yunhi ek din
aaine mein KHam aaya
is tarah wo bauraya
meri KHushnuma surat
KHun se ho gai lat-pat
paine kanch ke TukDe
har taraf chhiTakne lage
ek TukDa aawara
jaane kaise ja pahuncha
yaad ki sawari par
bhule-bisre mazi par
bijli ki tarah chamka
jab wo ja ke Takraya
gum-shuda ek patthar se
uTh gae bawanDar se
ek dam ye yaad aaya
main ne hi uchhaala tha!
is ana ke patthar ko
dagh-e-dil ke nashtar ko
wo hi lauT kar aaya
aaine se Takraya
dafatan yunhi ek din!
Ashok Lal 
(935) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544