Abas Abas Tujhe Mujhse Hijab Aata Hai
abas abas tujhe mujh se hijab aata hai
tere liye koi KHana-KHarab aata hai
palak ke marte hasti tamam hoti hai
abas ko bahr-e-adam se habab aata hai
KHuda hi jaane jalaya hai kis sitamgar ne
jigar to chashm se ho kar kabab aata hai
shab-e-firaq mein aksar main le ke aaina
ye dekhta hun ki aankhon mein KHwab aata hai
nazar karun hun to yan KHwab ka KHayal nahin
gire hai laKHt-e-jigar ya ki aab aata hai
Ashraf Ali Fughan 
(704) Peoples Rate This