Haif Dil Mein Tere Wafa Na Hui
haif dil mein tere wafa na hui
kyun teri chashm mein haya na hui
yar ne nama-bar se KHat na liya
meri KHatir aziz kya na hui
rah gaya dur tere kuche se
KHak bhi meri pesh pa na hui
kaT gai umr meri ghaflat mein
kuchh teri bandagi ada na hui
dud-e-dil teri zulf tak pahunche
aah yan tak meri rasa na hui
chashm-e-KHun-KHwar se 'fughan' dekha
dil-e-bimar ko shifa na hui
Ashraf Ali Fughan 
(762) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544