Hargiz Mera Wahshi Na Hua Ram Kisi Ka

hargiz mera wahshi na hua ram kisi ka

wo subh ko hai yar mera sham kisi ka

is hasti-e-mauhum mein hargiz na khuli chashm

malum kisi ko nahin anjam kisi ka

itna koi kah de ki mera yar kahan hai

billah main lene ka nahin nam kisi ka

hone de mera chaak gareban mere naseh

nikle mere hathon se bhala kaam kisi ka

nahaq ko 'fughan' ke tain tashhir kiya hai

duniya mein na howe koi badnam kisi ka

(711) Peoples Rate This

Your Thoughts and Comments

Hargiz Mera Wahshi Na Hua Ram Kisi Ka In English By Famous Poet Ashraf Ali Fughan. Hargiz Mera Wahshi Na Hua Ram Kisi Ka is written by Ashraf Ali Fughan. Read famous Poem Hargiz Mera Wahshi Na Hua Ram Kisi Ka for youth and Student by Ashraf Ali Fughan. Free Download Hargiz Mera Wahshi Na Hua Ram Kisi Ka in PDF.