Ahd-e-wafa Na Yaad Dilaen To Kya Karen

ahd-e-wafa na yaad dilaen to kya karen

hum un ko haal-e-dil na sunain to kya karen

jin se nahin hai aap ki manzil ko wasta

un raston se lauT na jaen to kya karen

wo har taraf hain samt ki jab qaid hi nahin

dair-o-haram mein sar na jhukaen to kya karen

mohkam hai rabt-e-ishq to nazdik-o-dur kya

aaen to kya karen wo na aaen to kya karen

mana ki hum ko tab-e-nazar hai na shauq-e-did

ruKH se wo KHud hi parda uThaen to kya karen

'ashraf' ko tha amal se ziyaada karam pe naz

kaam aa gai hain us ki KHataen to kya karen

(958) Peoples Rate This

Your Thoughts and Comments

Ahd-e-wafa Na Yaad Dilaen To Kya Karen In English By Famous Poet Ashraf Rafi. Ahd-e-wafa Na Yaad Dilaen To Kya Karen is written by Ashraf Rafi. Read famous Poem Ahd-e-wafa Na Yaad Dilaen To Kya Karen for youth and Student by Ashraf Rafi. Free Download Ahd-e-wafa Na Yaad Dilaen To Kya Karen in PDF.