Jis Din Se Yar Mujhse Wo ShoKH Aashna Hua
jis din se yar mujh se wo shoKH aashna hua
ruswa hua KHarab hua mubtala hua
pahle to ba-wafa mujhe dikhlaya aap ko
jab dil ko le chuka to ye kuchh bewafa hua
afsos kyun kare hai hamein qatl kar ke tu
hum sa jo ek mar gaya pyare to kya hua
tegh-e-firaq-e-yar ka majruh ho ke main
phirta hun KHak-o-KHun mein sada loTta hua
'asif' hamesha dil ko nasihat karun tahan
kahna mera na mana ye ja mubtala hua
Asif-ud-Daula 
(1026) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544