Teri Yaadon Ne TaDpaya Bahut Hai
teri yaadon ne taDpaya bahut hai
bhale hi dil ko samjhaya bahut hai
bahut zaKHmi kiya hai dil ko tum ne
tumhin ko phir bhi apnaya bahut hai
khile rahte hain zaKHm-e-dil hamesha
KHizan ne zulm to Dhaya bahut hai
lab-e-jaanan jo zamzam-atashin tha
hawason par mere chhaya bahut hai
lughat mein husn ki tarif DhunDhi
magar har lafz kam-maya bahut hai
dil-e-atish ki sazish mein 'zamani'
shab-e-hijran ko garmaya bahut hai
Asifa Zamani 
(969) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544