Libas-e-gul Mein Wo KHushbu Ke Dhyan Se Nikla
libas-e-gul mein wo KHushbu ke dhyan se nikla
mera yaqin bhi wahm-o-guman se nikla
hamare sath hi ab aandhiyan bhi chalti hain
ye tarz-e-ham-safari baadban se nikla
kuchh is tarah se bandhe hain zamin ki Dor se hum
ki KHauf-e-gum-rahi unchi uDan se nikla
naqib mein DhunDh raha tha fasil-e-shab mein magar
mera ghanim mere hi makan se nikla
ab is ke baad koi rasta na koi safar
qadam hisar-e-zaman-o-makan se nikla
ajib kashmakash-e-jabr-o-iKHtiyar rahi
gham-e-hayat isi darmiyan se nikla
nadi se pyas mili hai isi gharane ko
ki jis ke waste pani chaTan se nikla
Aslam Badar 
(940) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544